Хүн болгонд ертөнцийг харах байдлаа бүрэн өөрчлөх тийм боломж бий. Цагийн хүрдэн хэмээх эртний сургаал ёсоор зовлон бэрхшээлээс ангид ариун Дээд орны хаалгыг нээж болох бөгөөд энэхүү хэзээ ч хувиршгүй амгаланг бид Шамбал гэж нэрлэдэг билээ.

Ханбрүл Ринбүчи энэ ертөнц дээрх элдэв асуудлыг даван гарахад бидэнд Шамбалын орны далд утгыг яагаад зайлшгүй ойлгох шаардлагатай байгааг анх удаагаа дэлгэн гаргаж ирлээ. Энэ сэдвийг тойрсон олон давхар буруу ойлголтуудыг тэр нэг бүрчлэн нямбай тодруулан харуулахын зэрэгцээ сүсэг бишрэлээ хөгжүүлэх ялгаварлал үгүй уужим тавиун сэтгэлд суурилсан  гүнзгий аргуудыг мөн санал болгож байгаа юм.

Мянга гаруй жилийн туршид хураан хуримтлуулсан Жонангийн мастеруудын арвин туршлага хийгээд чин ариун бишрэлээр найдвартай хадгалагдан ирсэн тасраагүй дамжлагын сургаал таны гарт хүрээд байна. Таны сүсэг бишрэлийн хэмжээ ямар байхаас үл хамааран энэхүү сургаал нь танд бүхий л хязгаараа даван гарч туйлын үнэний язгуурын мөн чанарыг мэдрэх аян замд гайхам хөтөч болох болох нь гарцаагүй.

ГАРЧИГ

Мөргөл
Өмнөх үг
Танилцуулга

НЭГДҮГЭЭР БҮЛЭГ: ШАМБАЛЫН ҮНЭНИЙГ ИЛРҮҮЛЭХ

1 Шамбалын тухай Оньсого
2 Дөрвөн Шүтээний сургаал
3 Боломж олгосон орнууд
4 Шамбалын орны үзэгдэх байдал
5 Шамбалын Хөгжил

ХОЁРДУГААР БҮЛЭГ: ЖОНАН-ШАМБАЛЫН ЁС

6 Шамбалын номын дэлгэрэл
7 Чинагуух үнэнд хүрэх гарц
8 Төвөдөд төрсөн Ригдэн Хаан
9 Жонангийн сургаал цэцэглэсэн нь
10 Төв Төвөдийн Хямрал
11 Дорно зүгт Дүрвэсэн нь
12 Шинэ Цагийн Сорилтууд

ГУРАВДУГААР БҮЛЭГ: ЕРТӨНЦ ХЭЛБЭРЭЭ ОЛОХУЙ

13 Шамбалын орныг амьдралд мэдрэх нь
14 Алтан Эриний зүг

ХАВСРАЛТ

I Нөгчих үедээ Шамбалын орноор дамжин гэтлэх Ерөөл
II Самгард ба Төвөд хэлэнд Шамбалын Хаадын дамжлагыг харьцуулсан Нэрс
III Цагийн хүрдний Жонан-Шамбалын дамжлага
IV Бусад-үгүйн хоосныг баригч Жонангийн урсгал
V Төвөдийн газрын зураг

Зохиогчийн тухай

Зохиогч Шар Ханбрүл Ринбүчи Жампэл Лодойн тухай:

Ханбрүл Ринбүчи Жампэл Лодой бол Зогдэнгийн сүсэг бишрэлийн удирдагч үүсгэн байгуулагч билээ. Цагийн хүрдний аугаа мастер Агваан Чойжин Жямцын хоёрдугаар дүрийн хувилгаан болон төрсөн түүний жинхэнэ хэн болохыг багад нь нууцлах зайлшгүй шаардлага гарсны улмаас амьдралынхаа эхний 20 жилийг Төвөдөд сарлаг маллагчийн амьдралаар өнгөрөөсөн тэрбээр тарни маанийг үргэлж уншиж өссөн ажээ. Эцэг эхээс аугаа Бодьсадва нарын түүхийг сонсож бишрэх болсон  бөгөөд эцэстээ гэрээс гарч яван Төвөдийн Буддын шашны олон урсгалын хорин тав гаруй багшаас номын рашаан хүртэж боловсролыг олжээ. Аль ч ёсыг үл ялгаварлах Риме үзэлтэйнхээ ачаар Риме Мастер цолын удалгүй хүртэж, Акашагарба Бодьсадвын хувилгаан Агваан Чойжин Жямцын дүрийн хувилгаан гэдгээ олонд ил болгон таниулж олон ургалч үзлийнхээ дундаас голлох урсгал болох Жонан-Шамбалын Цагийн хүрдний урсгалын уламжлал хадгалагч гэдгээ батлан харуулах болсон байна. Цагийн хүрдний сургаал бол Бурхан багшийн сургаалын хамгийн оргил очирт хөлгөний сургаал бөгөөд сав шим ертөнцийн зохиролыг гүнзгий аргаар үзүүлсэн тул улмаар өөрийн сэтгэлийн гүн дэх нандин мөн чанарыг илрүүлэн гаргаж амгалан энхийн Алтан Эринийг \Зогдэн\ байгуулах сургаал билээ.